Si Inday sa Panahon ng Unlitxt

Malamang na nakatanggap ka na ng forwarded na Inday Joke. Noong 2005, lumaganap ang Boy Bastos Jokes (at ginawan ko pa ng papel iyon noon). Ngayon naman, aba, nasa antas na talaga ng wika ang laban: si Inday ang unang tumutugon sa “hamon” ng gobyerno na maging “competitive” sa Ingles para makapasok tayo sa callcenter at maging mahuhusay na caregiver sa ibang bansa. Tinipon ni Maruism ang ilan sa mga Inday chronicles na ito (Tawa, sige, tawa!). Pero kagabi lang, may natanggap na naman ako, na wala pa sa seryeng naitala ni Maruism. Narito:

Amo: Mula ngayon, walang magsasalita ng Ingles. Ang sinumang magpadugo ng ilong ko at sa mga anak ko, palalayasin sa pamamahay na ito! Klaro ba?

Inday: Ang mga namutawi sa inyong mga labi ay mataman ko pong iiimbak sa sulok ng aking balintataw, sa kaibuturan ng aking puso, gugunamgunamin, aariing salik ng aba at payak kong kabatiran. Tatalik din ang matayog at palalong banyagang wika, manapa’y kakalingain, bibigkasin at sakdal timyas na sasambitin ng aking sangkalooban.

At heto, wala pa rin sa link kay Maruism:

“There’s still a romantic element in knowing that I love someone but I’m choosing to do the right thing by staying silent.” —sagot ni Inday sa sarili dahil inlab na siya kay sir.

Inday, Iba Ka!

At sa mga curious sa biodata ni Inday, heto, may nagtext din sa akin:

Name: Inocencia Binayubay

Nickname: Inday

Age: 18

Parents: Aling Seling & Mang Andoy

Siblings: Iying, 13; Itoy, 8; Iking, 5

Education: College—La Salle Taft, 2nd Yr (Scholar, Systems Engineering); High School—Philippine Science High School (Valedictorian, Best in English); Elementary—Sta. Monica Elementary School (Valedictorian, Best in Dancing)

Work Experience: 3 years, Household Service Manager (Katulong)—Mr. & Mrs. Montemayor

Iba kapag joke na ang bumira sa kondisyon natin, ano.

~ by ecsamar on September 20, 2007.